errrrrrrmmmmmmmm......
dalam duk sibuk baco buku undang2....
baco la sangat....!
(nampak bona nipu)
mano ado baco... nongah naip ni ha...
acah yo tu...
yang bonar eh,den nak ngobaan..
ni la "manusio" yang suko sangat ganggu hati den,pikiran den,jiwo den,
tiap maso,tiap saat,tiap minit,tiap jam...
manjang ado yo dio...
dah tak bulih dah den nak nopeh an suh poiey jauh..
shuh shuh shuh!!!
macam2 caro,alat,kaedah dah den gunoan,
totap yo tak berhasil!!!
apo kan dayo,dah dio yang berjayo buek hati den ni ha sangkut kek dio...
kono la an trimo gangguan cm tu...
den tak kisah la org nak cakap apo pun sal dio...
dio tak ensem ko,dio tak pandai ko,apo2 yo la kekurangan yang d sobut2 an..
den tak kiro!
den totap sayang an dio...
kah kah kah kah...
oiy bedah,ingat cinto ko tu ley bawak mati ko?!
mmg la an tak ley bawak mati..
cinto tu buto.. da buek den buto ha..
ni la deh,org yg den sobut an tu..
yang suko kacau den tiap2 hari...
ni la deh umat eh...
pssssst.... ni nak bisik ni... ni la pic yang paling hensem yang den bulih nunjuk an,
yang lain smuo tak ensem.. hehehhhe..jangan marah yo jang...
den gurau yo malam2 buto ni ha...
aiii! aiii! aiii! tak mo tak mo tak mo!!!
tenung lamo2 yo..
kang den yang parah lak jap laiey..
gigit jari..frust menonggeng..
kalau "dio" kono rampas kek org lain..
ni la dio cinto portamo den sepanjang hidup den...
mulo2 tu den tak do pun perasaan kat dio..
hingin pun tidak..
hahahaha... den stat kona dio maso form 2,tahun 2006
time tu den ngan dio kawan baik..tak pikir pun akan sangkut ngan dio ni ha..
ontah lah satu maso tu,
bertarikh 08/07/2006,sabtu malam ahad
pukul 8.30 mlm den trimo byk kali missed call,mesej.
umang aiiii!!! menggigil tangan den di buek eh..
ingat sapo la... rupo eh,dio yang tipon den..
di pendekkan cito.. malam tu den trimo jadi girlfren eh..
couple la tu makno eh..
maso tu den baru la umor 14 tahun,masa tu tingkatan 2,
hingus laiey time tu..
alhamdulillah.. sampai skg den ngan dio masih kekal..
tapi mak den solalu posan an kek den..
jangan tolalu mengharap an jodoh ngan dio...
sobab eh kito tak tau laiey sapo jodoh kito..
apo pun kami cumo la merancang apo yg terbaik..
tak salah an kalau kito nak mencubo...
InsyaAllah,mudah2an.. 1 hari nnt ado lak rozki berjodoh ngan dio..
amin...